المساعد الشخصي الرقمي

مشاهدة النسخة كاملة : قصة فتاة / لشاعر حامد عوض الله العلوي الصاعدي

ابو عبدالله
08-25-2005, 02:48 AM
صرخه دوت فيها للاحزان نبرات
في ليله والليل يرخي سكونه
والناس قالوا خير وش سار من مات
هيا اذا به ميت تدفنونه
قلت اصبروا ماكل صرخه على اموات
تاكدوا حتى السبب تعرفونه
ثم اقبلت عذراء تعثر بخطوات
هيكل كساها ثوب رثه اردونه
واللي بقى منها مجرد علامات
اطلال من ماضي عجاف سنونه
وتجمهروا من حولها الناس زافات
والكل جادت بالعباير عيونه
وقامت تشاركهم بعبره وزفرات
وعز الكلام اذا بغوا ينطقونه
قلت اسمعوني مايفيد التنهات
وش فايدة هالدمع لو تنثرونه
يمكن حداها وقتها يمكم جات
تبي المعونه وافزعوا بالمعونه
قالوا صحيح وبادورا بالمعونات
والبنت مازالت بحال المهونه
قلنا غريبه وضعها فيه شكات
والكل منا حيرنه ضنونه
وسالتها يابنت وش بك سلامات
قالت شبابي ليتكم تلحقونه
فات القطار وكلها اسباب عادات
وابوي مايرضى بناس يجونه
وده يبيع البنت بيع البضاعات
ومع كل مايطلب تسدد ديونه
ونا ضحيه للشروط الصعيبات
حتى ذبل ورد العمر في غصونه
قلنا العفو مايرجع العمر لافات
وراحت ورحنا والنفوس امحزونه

للشاعر / حامد عوض الله العلوي الصاعدي[/size]
سيل الوادي
08-25-2005, 04:03 AM
شكرا يا بو عبد الله على هالقصيده الرائعه
من شاعر معروف بالشعر لك وله مني اجمل تحيه وتقدير
Naaa$$eeeR
08-25-2005, 09:00 AM
ونــا ضـحـيـه لـلـشـروط الصعـيـبـات
حتـى ذبــل ورد العـمـر فــي غصـونـه
قلـنـا العـفـو مايـرجـع العـمـر لافــات
وراحــت ورحـنـا والنـفـوس امـحـزونـه
قصيدة مؤثرة ..
وفيها معاني معبرة ..
صيغت باسلوب متميز وجزل ..
يدل على شاعريه رائعة لهذا الشاعر..


أبو عبدالله أختياراتك دائما رائعة ...
ابن الحجاز
11-08-2006, 11:15 PM
شكرا على المشاركه
قناص القصيم
09-01-2008, 12:48 AM
صح السانك والسان شاعرها