ابــو رنــيــــم
07-19-2007, 01:05 AM
ياعيني اللي لشـوف البـر مشتاقـه=والله لمشيـك فيـه ايـام ياعيـنـي
بس امرحي لين يبدا الصبح واشراقه=ثم ابشري بالسعد من حيث تبغينـي
الجيب جاهز وانـا راعيـه سواقـه=من حيث تبغيـن ياعيونـي يودينـي
من حشمتك مشتريه وبفحص أخلاقه=وانكان مأرضاك أنا مهوب مرضينـي
لوكان أعزه ويصعب عنـدي أفراقـه=عهد الولى بالتساوي بينـه وبينـي
مابوق عهده وعهدي معـه ماباقـه=أعطيـه مايطلبـه وافـي ويعطينـي
مهوب خبلن يجازي الجـزل بلعاقـه=خوي جنبن وفي من نـاس وافينـي
مثل الرفيق اللـذي ماتنثنـي ساقـه=وقت المواقـف يسـرك فالميادينـي
مختوم من ماركـة تايوتـه اوراقـه=ختم التميـز مـن اليابـان يكفينـي
صنع اليهـودي عسـى الله أرزاقـه=اللي نجح فالصناعه وأهمـل الدينـي
صمم صغيرالحجم للمـدن واسواقـه=وجيوب للبـر شاصـات وصوالينـي
الجيب عملاق صنع أفكـار عملاقـه=أناأشهد أنه رجـح بيـن الموازينـي
على الشدايد صبور ويبطي ارهاقـه=ياطى سوات البطل فالعسـر واللينـي
ريقه ماجفت وغيره جفـت ارياقـه=لا ذكر قالـو نعـم مئـه وسبعينـي
يستأهل المدح راع المـدح وارفاقـه=من طاب صيته شمل حتى الموالينـي
والجيب عنده ثقه بالنفـس ماضاقـه=ذم اللذي مايعرف الزيـن والشينـي
ليا نخيته ماقـال البعـد مـأ طاقـه=يفز مثل الوحش لـو لـه جناحينـي
او فزة اللي نصيبـه جـود أخناقـه=مسجون في دم لأحد الربع الادنينـي
ساعة وصل له بشير الخير بأطلاقـه=ولعاد له جلستـن بيـن الزنازينـي
دفعت أحقوق القتيل مقابـل أعتاقـه=وجا منطلق قاصد شـوف الحبيبينـي
ابـوه وامـه اورعانـه اوعشـاقـه=اللي على شوفتـه بالحيـل شفقينـي
وليا حصل له على القمـه توساقـه=يشبه على البعد ذيبن بيـن ريعينـي
مافيه رجمن يسـر العيـن ماواقـه=كنه مظلي علـى صـدره اوسامينـي
وليا انتحى سيل وادي جامن اعماقـه=نحيبه أقو مـن صـوت السراحينـي
وان صار مشيه على هونه تسراقـه=نمرن يهرول مالد ايسـار وايمينـي
يبغى الغدا والغـدا يوجـب تدراقـه=قام ايتبختر ويخفي الصوت لايبينـي
وليا وقـف كالجمـل لازادو أزهاقـه=وقف ايلاسـب ويظـرس للبعارينـي
رفع ارقبته وصدره وارتخى ادقاقـه=ثبت ثبوت الشجاع ابن الشجيعينـي
وان دق سلفه صريخ الطفل واشهاقه=اللي على الكون ماجالـه اسبوعينـي
هجع امبكـر وحلـو الديـد ماذاقـه=وصحى يصيح الضحى والخلق لاهيني
وان دست ابنصه حنين احوير الناقه=عزفة أبلوفـه تنفسهـا الشكامينـي
منوة غريب حـداه الفقـر واستاقـه=من ديرة الربع الى ديـار المعادينـي
أخذ جلاوي ثمـان اسنيـن والحاقـه=ترك اعياله اسنين ولأنقضا الدينـي
وعلمه بهـم ليلتـن فيهـا التفراقـه=بعد ان غفو ثم سرا والخلق ممسيني
اقفى عيونـه لدمـع الحـزن دفاقـه=يلعن زمان الشقا والعسـر والبينـي
وصبر وصبره نفد وازتادت أشواقـه=وعزم يسافر رغم كثـر الديايينيـي
ثم دور اللي لطـوي البعـد مفتاقـه=فكسـار بالفـل كامـل والعناوينـي
ربط احزام الامـان وسكـر الطاقـه=ومر المحطـه وعبـأ فـل بنزينـي
وقرا الدعاء وأستعاذ بوجـه خلاقـه=من نظرة الخلق وأعيون الشياطينـي
ثم انتله نتلـة اللـي قطـع مسباقـه=ويقول تكفى ياجيب الليـل ممسينـي
قال أزهل البعـد والخـط وتطراقـه=صعب المشاويـر يسهـل مايعنينـي
وناطح نسيم الهوا يشـدي تنشاقـه=صوت الحيايا لا حست وطي ماشيني
يطوي أخطوطن تقول اخيوطن ارقاقه=من سرعته عرضها تقريب شبرينـي
ماقدم عينه سواء الانـوار منساقـه=يكشف سناها أبعيـد الخـط ويبينـي
وتمثال مزبور فضي يشبـه أزياقـه=كنه أمصـارع ايباهـي بالذراعينـي
وقدام نـور الفجـر ينشـر تدفاقـه=وصل من الفين كيلو فـوق اللفينـي
يانعم يالجيب والباقي علـى الساقـه=مثل الخدم والجيوب أبنا السلاطينـي
والجيب مدحه ملفه يصعـب أغلاقـه=صفاته أكثر مـن الحـون المغنينـي
شاعر /عجب بن سميح المرزوقي البقمي
بس امرحي لين يبدا الصبح واشراقه=ثم ابشري بالسعد من حيث تبغينـي
الجيب جاهز وانـا راعيـه سواقـه=من حيث تبغيـن ياعيونـي يودينـي
من حشمتك مشتريه وبفحص أخلاقه=وانكان مأرضاك أنا مهوب مرضينـي
لوكان أعزه ويصعب عنـدي أفراقـه=عهد الولى بالتساوي بينـه وبينـي
مابوق عهده وعهدي معـه ماباقـه=أعطيـه مايطلبـه وافـي ويعطينـي
مهوب خبلن يجازي الجـزل بلعاقـه=خوي جنبن وفي من نـاس وافينـي
مثل الرفيق اللـذي ماتنثنـي ساقـه=وقت المواقـف يسـرك فالميادينـي
مختوم من ماركـة تايوتـه اوراقـه=ختم التميـز مـن اليابـان يكفينـي
صنع اليهـودي عسـى الله أرزاقـه=اللي نجح فالصناعه وأهمـل الدينـي
صمم صغيرالحجم للمـدن واسواقـه=وجيوب للبـر شاصـات وصوالينـي
الجيب عملاق صنع أفكـار عملاقـه=أناأشهد أنه رجـح بيـن الموازينـي
على الشدايد صبور ويبطي ارهاقـه=ياطى سوات البطل فالعسـر واللينـي
ريقه ماجفت وغيره جفـت ارياقـه=لا ذكر قالـو نعـم مئـه وسبعينـي
يستأهل المدح راع المـدح وارفاقـه=من طاب صيته شمل حتى الموالينـي
والجيب عنده ثقه بالنفـس ماضاقـه=ذم اللذي مايعرف الزيـن والشينـي
ليا نخيته ماقـال البعـد مـأ طاقـه=يفز مثل الوحش لـو لـه جناحينـي
او فزة اللي نصيبـه جـود أخناقـه=مسجون في دم لأحد الربع الادنينـي
ساعة وصل له بشير الخير بأطلاقـه=ولعاد له جلستـن بيـن الزنازينـي
دفعت أحقوق القتيل مقابـل أعتاقـه=وجا منطلق قاصد شـوف الحبيبينـي
ابـوه وامـه اورعانـه اوعشـاقـه=اللي على شوفتـه بالحيـل شفقينـي
وليا حصل له على القمـه توساقـه=يشبه على البعد ذيبن بيـن ريعينـي
مافيه رجمن يسـر العيـن ماواقـه=كنه مظلي علـى صـدره اوسامينـي
وليا انتحى سيل وادي جامن اعماقـه=نحيبه أقو مـن صـوت السراحينـي
وان صار مشيه على هونه تسراقـه=نمرن يهرول مالد ايسـار وايمينـي
يبغى الغدا والغـدا يوجـب تدراقـه=قام ايتبختر ويخفي الصوت لايبينـي
وليا وقـف كالجمـل لازادو أزهاقـه=وقف ايلاسـب ويظـرس للبعارينـي
رفع ارقبته وصدره وارتخى ادقاقـه=ثبت ثبوت الشجاع ابن الشجيعينـي
وان دق سلفه صريخ الطفل واشهاقه=اللي على الكون ماجالـه اسبوعينـي
هجع امبكـر وحلـو الديـد ماذاقـه=وصحى يصيح الضحى والخلق لاهيني
وان دست ابنصه حنين احوير الناقه=عزفة أبلوفـه تنفسهـا الشكامينـي
منوة غريب حـداه الفقـر واستاقـه=من ديرة الربع الى ديـار المعادينـي
أخذ جلاوي ثمـان اسنيـن والحاقـه=ترك اعياله اسنين ولأنقضا الدينـي
وعلمه بهـم ليلتـن فيهـا التفراقـه=بعد ان غفو ثم سرا والخلق ممسيني
اقفى عيونـه لدمـع الحـزن دفاقـه=يلعن زمان الشقا والعسـر والبينـي
وصبر وصبره نفد وازتادت أشواقـه=وعزم يسافر رغم كثـر الديايينيـي
ثم دور اللي لطـوي البعـد مفتاقـه=فكسـار بالفـل كامـل والعناوينـي
ربط احزام الامـان وسكـر الطاقـه=ومر المحطـه وعبـأ فـل بنزينـي
وقرا الدعاء وأستعاذ بوجـه خلاقـه=من نظرة الخلق وأعيون الشياطينـي
ثم انتله نتلـة اللـي قطـع مسباقـه=ويقول تكفى ياجيب الليـل ممسينـي
قال أزهل البعـد والخـط وتطراقـه=صعب المشاويـر يسهـل مايعنينـي
وناطح نسيم الهوا يشـدي تنشاقـه=صوت الحيايا لا حست وطي ماشيني
يطوي أخطوطن تقول اخيوطن ارقاقه=من سرعته عرضها تقريب شبرينـي
ماقدم عينه سواء الانـوار منساقـه=يكشف سناها أبعيـد الخـط ويبينـي
وتمثال مزبور فضي يشبـه أزياقـه=كنه أمصـارع ايباهـي بالذراعينـي
وقدام نـور الفجـر ينشـر تدفاقـه=وصل من الفين كيلو فـوق اللفينـي
يانعم يالجيب والباقي علـى الساقـه=مثل الخدم والجيوب أبنا السلاطينـي
والجيب مدحه ملفه يصعـب أغلاقـه=صفاته أكثر مـن الحـون المغنينـي
شاعر /عجب بن سميح المرزوقي البقمي