الصاعدي
08-28-2005, 08:48 PM
زرعت زرع الطيب في بعض الاصحاب = قلت القفار تصير ورد ورياحين
واسقيتهم من صافي الطيب سكاب = وفضلتهم على الربوع الموالين
كان العشم فيهم معزة وترحاب = وعلى الوفاء في حزة الضيق وافين
واليوم صكو للوفاء واسع الباب = وطاعو كلام اللي على الخبث ماشين
ناس (ن)لهم في مسلك الخبث دولاب = ويولعون النار مابين الادنين
نار(ن)توقد واشعلوها بالانساب = لين المشاكل ولعت بينهم بين
ان جيت اطفيها رموني بمشهاب = وان جيت اخليها عماس (ن)على العين
لكن علي انحاز في راس مرقاب = رجم (ن) صعيب ومدهل(ن)للشياهين
يصعب على منهو لحاقه للاذناب = له قمة(ن) ماتعتليها المساكين
واوصيك يافيصل بعد عارضي شاب = ترى الوصيه تنشري بالملايين
ابعد عن الصاحب الى صار نصاب = طلق المحيا والخفا فيه تلوين
لاتأمنه ياكود تأمن من الداب = لوكنت ماشي له على العسر واللين
تقضي له الحاجه ويطعنك بحراب = وتفعل به المعروف يجزاك بالشين
وخلك مع اللي فالملا ذكرهم طاب = اللي فعايلهم حديث الدواوين
افعالهم تشهدلهم وقت الانشاب = كم طامع(ن) داسو خدوده على الطين
نهابة الطامع عقب كان نهاب = ومروضين اهل الجهالة على الدين
ولاتقول يافيصل سواليف شياب = تراي انا يابوك من طبقة الفين
وعيش بزمانك يافتى واحسب احساب = ترى الزمن يخلف كثير المضامين
شعر/حامد الصاعدي
واسقيتهم من صافي الطيب سكاب = وفضلتهم على الربوع الموالين
كان العشم فيهم معزة وترحاب = وعلى الوفاء في حزة الضيق وافين
واليوم صكو للوفاء واسع الباب = وطاعو كلام اللي على الخبث ماشين
ناس (ن)لهم في مسلك الخبث دولاب = ويولعون النار مابين الادنين
نار(ن)توقد واشعلوها بالانساب = لين المشاكل ولعت بينهم بين
ان جيت اطفيها رموني بمشهاب = وان جيت اخليها عماس (ن)على العين
لكن علي انحاز في راس مرقاب = رجم (ن) صعيب ومدهل(ن)للشياهين
يصعب على منهو لحاقه للاذناب = له قمة(ن) ماتعتليها المساكين
واوصيك يافيصل بعد عارضي شاب = ترى الوصيه تنشري بالملايين
ابعد عن الصاحب الى صار نصاب = طلق المحيا والخفا فيه تلوين
لاتأمنه ياكود تأمن من الداب = لوكنت ماشي له على العسر واللين
تقضي له الحاجه ويطعنك بحراب = وتفعل به المعروف يجزاك بالشين
وخلك مع اللي فالملا ذكرهم طاب = اللي فعايلهم حديث الدواوين
افعالهم تشهدلهم وقت الانشاب = كم طامع(ن) داسو خدوده على الطين
نهابة الطامع عقب كان نهاب = ومروضين اهل الجهالة على الدين
ولاتقول يافيصل سواليف شياب = تراي انا يابوك من طبقة الفين
وعيش بزمانك يافتى واحسب احساب = ترى الزمن يخلف كثير المضامين
شعر/حامد الصاعدي