قصـة صـقــر

[الصاعدي]

يابوي لي صقرن على الرجم نزال = صقرن على عالي المراقيب ضاري
نسل الصقور اللي لها الجو مدهال = اسلالة شياهينن عليها تماري
صفوة صقورن مابها شك وجدال = في عيونها يابوي مثل الشراري
صقرن عريب مجود الجد والخال = ويجيب بك يابوي بعض المواري
مايارد الا يشرب قراح وزلال = ولايصيد الا سمان الحباري
وايشوم ماياكل ضعيفات واهزال = ينقا السمينه من طيور الصحاري
واليوم اشوفه حافته بعض الاحوال = قسى الدهر به والدهر مايداري
ميل عليه الوقت والوقت ميال = وجرى عليه من الغرابيل جاري
سود الليالي بدلت حاله بحال = وذرت عليه من الهموم الذواري
واركو عليه الناس بالقيل والقال = وصار له في كل مجلاس طاري
ولحق عليه النقص في الحال والمال = وغدى وكنه من طيور النغاري
ياعزتي له عقب هاذيك الافعال = اصبح من المخلاب والريش عاري
واخشى عليه ايوالف طيور الانذال = ويكف عن صيد الفلا والبراري
ويالف طبايعهم ويضرى للأذلال = وينقر الحب مع فروخ القماري
واخاف يصبح لعبة بيد الاطفال = تركض به الجهال وسط الحواري
ويضحك عليه من الملا كل عذال = يستاهل اللي باع ماكان شاري
واليوم كيف الحل ياطيب الفال = حيث انت صقارن وفاهم وداري
اما يعود الصقر للماكر العال = يعود لجموع البواشق يباري
واما حصل عوده وضاعن الامال = الحكم بالاعدام امرن اجباري
خله يموت ولاتجي فيه الاقوال = الموت ارحم من كلام الزواري
الشاعر/ حمد بن هذيل العلوي

[ماهر]

رائعه

رائعه

رائعه

قصيده رائعة اخي الصاعدي الف شكر

[غصن الوادي]

ابداع في نظم القوافي
وتسلم يمين اللي كتبها واللي نظمها

[ابو عبدالله]

وش أقول رائعه ماتكفي أبداع مايوفي وما أقول الا الله يعطيك العافيه

[الصاعدي]

ابو عبدالله :
شكرا لك وللاعضاء جميعا, وبتوجيهكم نسعى للافضل
وبتشجيعكم نتحفز للعطاء ،ودائما شكرا للجميع,,

[ابن الحجاز]

شكرا على المشاركه

[قناص القصيم]

صح السانك والسان شاعرها