الى جفاك الوقت

[الصاعدي]

الى جفاك الوقت لو كنت رجال = كلن على حملك يحط الوساقه
ماينفعك عمك ولاينفعك خال = ولاينفعك راع العلوم الرقاقه
اماصبرت وصرت للحمل شيال = والاغديت لمن شمت بك ذواقه
لاجيت ماتسوى من البن فنجال = وكلن يقول الله يعجل فراقه
واللي لبس له ثوب وشماغ وعقال = ومع دفتر الشيكات مرفق بطاقه
هذاك بين الناس له منزلن عال = كلن يبي قربه ويكسب علاقه
في كل مجلس حوله الناس عمال = في خدمته يسعون من غير طاقه
وعبر الهواتف بين ثابت وجوال = من كل ديره ودهم في وفاقه
من شأن ماله كل واحد معه مال = والله حماقه مابعدها حماقه
المال غطى كل عيبن ومدخال = مدري سرق عرف النشاما سراقه
اما انت يالفقري لك الله في حال = عايش مابين الناس عيشة زهاقه
تصبح غريبن فالوطن تقل رحال = متخلفن..مجهول..لولا البطاقه
لوكان جدك في زمانه له افعال = تصغربعين المجتمع في نطاقه
والمال بين الناس راحل ونزال = كم ضاع من حرسيس مدرك وثاقه
وياكم ضعيف امسى ولاعنده اريال = اصبح غني والمغتني زاد فاقه
والفرق كل الفرق في طيب الاعمال = والا هشيم المال عجل احتراقه

الشاعر/ حامد الصاعدي

[سيل الوادي]

ابيات جميله وهي في زمننا هذا امر واقع
الله يعطيك العافيه
ونطلب المزيد

[العوفي]

مشكور أخوي الصاعدي وصف دقيق لمجتمعنا هذا اليوم والله المستعان ..
تحياتي

[ابو عبدالله]

مشكووووور ابو فيصل ابيات رائعه من شاعر رائع تحكي الحقائق في زمان الاغنيا والفقراء0
ولا تحرمنا من ابيات شعرك الرائعه والي الا امام ((ابوفيصل ))

[ابن الحجاز]

شكرا على المشاركه

[طاوي البعد]

صح لسانك ياغالي

[قناص القصيم]

صح السانك
ويعيطك العافيه