اسرار دوله

[المهلهل]

اسرار دوله


عزلت شعري عن صفوف المحبين
=ورقيت قلبي خوف يغويه ساحر

وحطيت حراسٍ على السمع والعين
=ومراقبين لكل وارد وصادر

وحمايةٍ ,وجدار ناري ,وتحصين
=كن الهوى أسرار دولة مشاعر

حتى اخترق حظري حبيبي بحرفين
=كلمة عبور القلب باحساس نادر

واعلن على عرشه بعزٍ وتمكين
=إنه بوضع اليد ماله مخاشر

كل الحماية ,والحذر صارت أهلين
=نادت بملكه بعد خطة تآمر

ياقلب وينك؟وين فكري؟وأنا وين؟
=وين الكلام اللي يهز المنابر؟

وين الحكيم؟ اصبح كبير المجانين
=وين التحدي؟صار له....سم, وآمر

والشعر وشبه هد سور القوانين؟
=حتى القصيد اليوم قص الضفاير

هذا الهوى؟ متعب قلوب المساكين
=من قبل كنت أقراه,وأضحك,وأساير

واليوم ما أدري وش حصل للموازين
=صار الهوى حاكم , وطاغي , وقادر

وأصبحت أنا وياه في العشق قلبين
=متوازيه ,,,والحب محور تناظر

منقول

[ابو عبدالله]

تسلم المهلهل على هذا النقل الرائع والله يعطيك العافيه على المجهودات التي تقدمه لمنتداك الغالي علينا جميعا

[المهلهل]

اشكرك ابو عبدالله على مرورك

فانت شعلة المنتدى

[الصاعدي]

الاخ/ المهلهل
اختيار موفق .. وابيات جميلة.. وهذا ماعهدناه
منك..لك الشكر,,,

[المهلهل]

اشكرك اخي الصاعدي على مرورك

[ابن الحجاز]

شكرا عل المشاركه

[قناص القصيم]

صح السانك والسان شاعرها
ولاهنت على القصيده
وننتظر جديدك