د.برطم نمله
10-03-2005, 01:20 AM
---------------منقول-----------------------------
مافيه أحد .. مرتاااااااح !
الموضوع :
قدّر الله علي .. وتأخرت عن العمل في صباح يوم السبت ( أطول أيام الأسبوع ) << من طول يوم السبت .. يمديك تطلع من المدينة المنورة وتوصل جيزان مع الطريق الساحلي اللي كله تريلات وبعارين وخطر .. وبريد الساعة تسع الصبح ما بعد وصل .. ولا يهون خبز التميس والفول !!
يوم شفت اني تأخرت عن العمل .. فهمتها واتصلت عليهم وخذت اجازة اضطرارية خمسة أيام وكبّرت الوسادة !!<< بيدي لا بيد عمرو !!
صحيت الظهر .. وأقعد أتميلح على عيالي ( يقال لك اني ابو ديموقراطي وابي اوسع صدورهم لو على حساب صحتي ووقتي ) تحت شعار الأسرة أولاً !! << ياشين اللي يصدق أوبرا ... عليها من الله ما تستحق ذا الخالة !!
قلت لهم : وين تبون نروح في ذا الأسبوع .. تراي ماخذ إجازة خمسة أيام علشانكم !
( أنا قلت ذا الحتسية وإلا ما قلتها ) يوم صارت صالة بيتنا تسنّها صالة البورصة الأمريكية ( ماعاد توحي من الصجة .. ما عاد فيه الا لغة الإشارة ) !! << والله يا طلعت اشااااااارات ما لها سنع ( أجل بالله قد شفتو احد يحط اصبعه على كوعه وينشق بخشمه .. ويقول تراي كنت اقصد ما يمدينا نطلع فيزة ) !!
يوم هدأت العاصفة .. وتواسينا .. ونتفق على الروحه للمنطقة الشرقية << خشة واحدن مستحي يطقها في الوجه ويقول تراي رب أسرة طفران وهذا حدي !!
صفطنا مرتبة الجمس الصالون وحملنا العفش << خذنا كل الأثاث والهدوم اللي في البيت ما بقى إلا كرتون تايد على المجلى ما لقينا له محل !! ( وجه متحسف انه ما تذيهن وفتحه وكبه في مخباته ) !!
طلعنا من البيت الساعة وحدة ونصف الظهر .. ولا مسكنا خط الشرقية السريع الا الساعة ثلاث العصر !! ( الله العالم ان اللي يفركون من الدوام اكثر من اللي يقعدون لنهاية الدوام ) ! << طرّاه ان مدينة الحرس الوطني على دربنا
يوم تونا محركين من اول محطة بنزين وبادين نقراء دعاء السفر ( سبحان الذي سخر لنا هذا وما كنا له مقرنين ) .. يوم بدأ مسلسل المبزرة ( ابوي ابي ماء .. ابوي ابي أنثر الماء .. ابوي فيني ققاا .. ابوي ابي كيكه .. ابوي شفه طقني .. ابوي خلها توخر عن محلي .. ابوي ما نبي نروح للشرقية نبي نروح للدمام .... ابوي صح الرياض أزين من الشرقية .. ابوي قل والله " سيارتك مقربعه " ) !! أبوي صح الشرقية جنب بيت اهل شغّالتنا ؟؟ ( وجه يقول حسبي الله على من فرض على البزران مادة الجغرافيا ) !! << قسم بالله اني ودي ادفع دراهمن واجد واعرف ذا السواويق الأجانب وشلون يصبرون على مصااااالاااات ذا العوائل والمبزرة في مشاوير وسط الرياض والزحمة !!
وصلنا للشرقية صباح الأحد ( الله يذكر باصات سوريا بالخير ) وبالتحديد ( شاليهات قرية الخليج ) ! << اللي يسمعني يقول ذا كاااااش .. ما يدري اني ماخذن شاليه غرفة وصالة وقالبة مخيم لاجئين من كثر الفرش والعفش والمبزرة المتسدحين في الصالة ( الله يذكر صالة مطار الملك خالد بالخير .. في رحلات الصيف .. والقاهرة غير ! ولا تهون صالة مطار جدة ايام رمضان والعمرة والعشر الأواخر !) ..
ومثل أي ابو ديموقراطي ( عليك من الله ما تستحقين يا اوبرا ) !! أشتغلت حمّالي ( كله كووم .. وفراش واحدن من المبزرة " الله يستر علينا وعليه " غادي تسنّه كيس رمل من ثقلة .. الظاهر انه يسقيه بنظام التنقيط كل ليلة ) !!
يوم توني منزل العفش وابي اتلين شوي .. يوم دخلو علي ذا المبزرة تسنّهم جن !! ( الوجيه سووود من الشمس .. والشعر ابيض من الملح ) !! << أبد تسنّك تشوف نيقاتف صورة شمسية !
تبون الجد .. انا خفت عليهم .. مبزتن واجد والدعوى سيبه في القرية ! وانا ذاكرتي لك عليها !! قمت حطيت لكل واحد ( سيريل نمبر ) << يعني رقم تسلسلي لغير الناطقين بلغة أسواق العثيم !!
وركبت على باب الشالية جهاز سكنر .. عشان اعرف الداخل والطالع .. وش يضمن لي باتسر ما يدخل معهم بزرن ضايع ثم اتورط في قضية اختطاف بزر ! ( عجزين عن مبزرتنا وصجتهم .. ونتوهق ببزران خلق الله ) .. على طاري البزران فيه بزران واجد في الشاليهات خارج نطاق التغطية !!<< اهله ما يدرون وينه فيه ؟ وهو مايعرف يحتسي ؟ يعني لا يرسل ولا يستقبل !!
الزبدة قعدت يومين ما شفت البحر .. كل ما بغيت أطلع للبحر .. قالت المدام لا تروح ترى الغداء جاهز .. وإلا القهوة زاهبة .. وإلا الشاهي خادر .. وإلا البحر صك عشان الصلاة << تصدقون انها مشت علي .. أحسب ان البحر يصك للصلاة !! ( وجه نجدي من أهل الرياض ) !!
اثرها ما تبيني اروح للبحر وأشوف صيااااعة البنات وخباالهن على ذا البحر ! ( خشة واحدن يكره ادعاء الملائكية .. ويعاني من ضغوط الفتنة ) !
انا طلعت للبحر .. وإلا ما طلعت !! ( يحلفون اني صرت " هوم لس " على الشاطي .. ) ما عاااد عودت للشالية إلا يوم طبختني الشمس وصرت أشم ريحة التماس كهرب !! ( الظاهر والله العالم ان في مخ الآدمي أسلاك توصل اشارات كهربائية .. ومن كثر الإشارات السااااخنة ومع حرارة الشمس .. ضرب سلك من الأسلاك ) .. !! << " أشوى انه مهوب سلك الدينمو .. تسان نتوهق ونموت ظماء " طرّاه ماء الحياة !
يوم دخلت على عيالي في الشالية .. ويتناقزون للتلفون كلّن يبي يبلّغ عني يحسبوني منحاش من مواجهات شرطة الدمام مع الإرهابيين !! ( يحق لهم .. وجهي اسود .. وطايرتن بوهتي .. تسنّي طايحن من سطح الفيصلية )!!
على طاري الإرهاب .. ما تلاحظون ان الحكومة تشجّع المواطن على التنمية والبناء والحضارة .. وذا الإرهابيين قالبينها مؤسسة مقاولات هدم ونسف منازل ومنشاءات ( طرّاه ان البيت اللي توزو فيه صار تسنّه فلّة عظم " الله يكفينا الشر " من تنتيف الرصاص والمقاشع )!! << عليهم من الله ما يستحقون .. فقد روعو الآمنين .. ووهقو الدارسين .. وشبو في مواتر خلق الله أجمعين .. وشمّتو فينا الحاسدين " طرّاه بلوتوث أحداث بندة الدمام " !! وجعلو النت مسرح للعابثين .. ونصبّو علماء غث"ن" وسمين !! وترى موضة ذا السنة الذهب مهيب البلاتين .. واذا انت رجالن تعمر بيت فحط عازل حراري من الطين !! <<<< عنز بدو وطاحت في سجع !!
نرجع لقليلين الخاتمة .. ذا المبزرة .. اللي بغو يجيبون فيني العيد ( والله لو بلّغو عني اني ارهابي .. ان اروح طعام جحوش .. حلّها عاد وش يقنع بعض الناس اني منيب ارهابي .. ومواصفاتي مطابقة لهئية المقاييس الإرهابية " متعافي + فسقان + وطايرن من راسي وشره + وفيني ريحة التماس كهرب" وعندي جهاز حاسوووب وقد مرتن كتبت موضوع في الجادة ) << باقي حزام ناسف واصير ارهابي " فوول أوبشن " !!
سألتهم : وراكم ما علمتوني عن ذا البنات اللي ماغير يلعبن بالدبابات البحريه ويتسدحن على الشاطي تسنّهن فقمات !! ( الله يذكر الجامحه بالخير ) <<< طرّاه انهن يسبحن بعبايتهن ويتهيبلن ويصايحن " يعني ترانا وسيعات صدر " !!<< ما يدرن البنات ان الرجال يشوفون ان التوسع مهوب زين في بعض الأمور ..!! ( طرّاه مضيق باب المندب )
تصدقون ان وحده سوت معي حركة بنت سته وستين كلب .. غطت على حركة " شارون ستون " في فيلم الغريزة يومها تحط رجل على رجل وتطلع سكسوكتها تسنّها أرنب مصابة بانفلونزاء الطيور ! ( طرّاه النعومه مع قل الشعر ) !!
قالو المبزرة ان أمهم قايلتن لهم لا تجيبون لأبوكم طاري .. عشان ما يرجعكم للرياض !! << سياسة ماما أمريكا .. تعتيم اعلامي .. وتضليل .. وقرارات تعسفية .. وغضب من الله أكبر ( طرّاه كاترينا ) !!
وعقب ما راحت السكرة .. وجت الفكرة .. بديت اهوجس في ذا اليومين اللي راحت وعيالي يلعبون مع ذا الفقمات بدون رقيب وحسيب !!
فقررت اني ادرس حالة ذا البنات وأطلّع على أسرارهن .. من بعيد لبعيد .. وبطريقة لا تؤثر على علاقتي الزوجية ( خشة واحدن يخاف يرجعونه للرياض غصب ) !!
فكانت الطريقة الأنسب .. هي ( البلوووتوووث ) ! << عليه من الله ما يستحق مخترع هذه المصيبه !!
شغلت البلوتوث واستعرضت اسماء الموجودين .. فكانت النتيجة غريبة وغير متوقعه !
لا يوجد احد .. !! << بغيت اتسذب واكتب لم ينجح احد !
الحقيقة تحطمت .. وشلون كل ذا الرجه ولا فيه احد .. ! << معه جهاز الفيصلية ويبي يلقط بلووتوث !! ( يا شيخ .. حل عن سمااااي ) !!
^
^
المخ دائرة كهربائية معقدة !!
وماافيه احد مرتااااااااااااااح !!
ما يستفاد من الموضوع :
ممكن تكون النهاية غير متوقعة .. ولكنها .. بالفعل نهاااااية !! مقبووووووولة خاصة ان ماافيه أحد مرتااااااااااااااح
...................
....................
مافيه أحد .. مرتاااااااح !
الموضوع :
قدّر الله علي .. وتأخرت عن العمل في صباح يوم السبت ( أطول أيام الأسبوع ) << من طول يوم السبت .. يمديك تطلع من المدينة المنورة وتوصل جيزان مع الطريق الساحلي اللي كله تريلات وبعارين وخطر .. وبريد الساعة تسع الصبح ما بعد وصل .. ولا يهون خبز التميس والفول !!
يوم شفت اني تأخرت عن العمل .. فهمتها واتصلت عليهم وخذت اجازة اضطرارية خمسة أيام وكبّرت الوسادة !!<< بيدي لا بيد عمرو !!
صحيت الظهر .. وأقعد أتميلح على عيالي ( يقال لك اني ابو ديموقراطي وابي اوسع صدورهم لو على حساب صحتي ووقتي ) تحت شعار الأسرة أولاً !! << ياشين اللي يصدق أوبرا ... عليها من الله ما تستحق ذا الخالة !!
قلت لهم : وين تبون نروح في ذا الأسبوع .. تراي ماخذ إجازة خمسة أيام علشانكم !
( أنا قلت ذا الحتسية وإلا ما قلتها ) يوم صارت صالة بيتنا تسنّها صالة البورصة الأمريكية ( ماعاد توحي من الصجة .. ما عاد فيه الا لغة الإشارة ) !! << والله يا طلعت اشااااااارات ما لها سنع ( أجل بالله قد شفتو احد يحط اصبعه على كوعه وينشق بخشمه .. ويقول تراي كنت اقصد ما يمدينا نطلع فيزة ) !!
يوم هدأت العاصفة .. وتواسينا .. ونتفق على الروحه للمنطقة الشرقية << خشة واحدن مستحي يطقها في الوجه ويقول تراي رب أسرة طفران وهذا حدي !!
صفطنا مرتبة الجمس الصالون وحملنا العفش << خذنا كل الأثاث والهدوم اللي في البيت ما بقى إلا كرتون تايد على المجلى ما لقينا له محل !! ( وجه متحسف انه ما تذيهن وفتحه وكبه في مخباته ) !!
طلعنا من البيت الساعة وحدة ونصف الظهر .. ولا مسكنا خط الشرقية السريع الا الساعة ثلاث العصر !! ( الله العالم ان اللي يفركون من الدوام اكثر من اللي يقعدون لنهاية الدوام ) ! << طرّاه ان مدينة الحرس الوطني على دربنا
يوم تونا محركين من اول محطة بنزين وبادين نقراء دعاء السفر ( سبحان الذي سخر لنا هذا وما كنا له مقرنين ) .. يوم بدأ مسلسل المبزرة ( ابوي ابي ماء .. ابوي ابي أنثر الماء .. ابوي فيني ققاا .. ابوي ابي كيكه .. ابوي شفه طقني .. ابوي خلها توخر عن محلي .. ابوي ما نبي نروح للشرقية نبي نروح للدمام .... ابوي صح الرياض أزين من الشرقية .. ابوي قل والله " سيارتك مقربعه " ) !! أبوي صح الشرقية جنب بيت اهل شغّالتنا ؟؟ ( وجه يقول حسبي الله على من فرض على البزران مادة الجغرافيا ) !! << قسم بالله اني ودي ادفع دراهمن واجد واعرف ذا السواويق الأجانب وشلون يصبرون على مصااااالاااات ذا العوائل والمبزرة في مشاوير وسط الرياض والزحمة !!
وصلنا للشرقية صباح الأحد ( الله يذكر باصات سوريا بالخير ) وبالتحديد ( شاليهات قرية الخليج ) ! << اللي يسمعني يقول ذا كاااااش .. ما يدري اني ماخذن شاليه غرفة وصالة وقالبة مخيم لاجئين من كثر الفرش والعفش والمبزرة المتسدحين في الصالة ( الله يذكر صالة مطار الملك خالد بالخير .. في رحلات الصيف .. والقاهرة غير ! ولا تهون صالة مطار جدة ايام رمضان والعمرة والعشر الأواخر !) ..
ومثل أي ابو ديموقراطي ( عليك من الله ما تستحقين يا اوبرا ) !! أشتغلت حمّالي ( كله كووم .. وفراش واحدن من المبزرة " الله يستر علينا وعليه " غادي تسنّه كيس رمل من ثقلة .. الظاهر انه يسقيه بنظام التنقيط كل ليلة ) !!
يوم توني منزل العفش وابي اتلين شوي .. يوم دخلو علي ذا المبزرة تسنّهم جن !! ( الوجيه سووود من الشمس .. والشعر ابيض من الملح ) !! << أبد تسنّك تشوف نيقاتف صورة شمسية !
تبون الجد .. انا خفت عليهم .. مبزتن واجد والدعوى سيبه في القرية ! وانا ذاكرتي لك عليها !! قمت حطيت لكل واحد ( سيريل نمبر ) << يعني رقم تسلسلي لغير الناطقين بلغة أسواق العثيم !!
وركبت على باب الشالية جهاز سكنر .. عشان اعرف الداخل والطالع .. وش يضمن لي باتسر ما يدخل معهم بزرن ضايع ثم اتورط في قضية اختطاف بزر ! ( عجزين عن مبزرتنا وصجتهم .. ونتوهق ببزران خلق الله ) .. على طاري البزران فيه بزران واجد في الشاليهات خارج نطاق التغطية !!<< اهله ما يدرون وينه فيه ؟ وهو مايعرف يحتسي ؟ يعني لا يرسل ولا يستقبل !!
الزبدة قعدت يومين ما شفت البحر .. كل ما بغيت أطلع للبحر .. قالت المدام لا تروح ترى الغداء جاهز .. وإلا القهوة زاهبة .. وإلا الشاهي خادر .. وإلا البحر صك عشان الصلاة << تصدقون انها مشت علي .. أحسب ان البحر يصك للصلاة !! ( وجه نجدي من أهل الرياض ) !!
اثرها ما تبيني اروح للبحر وأشوف صيااااعة البنات وخباالهن على ذا البحر ! ( خشة واحدن يكره ادعاء الملائكية .. ويعاني من ضغوط الفتنة ) !
انا طلعت للبحر .. وإلا ما طلعت !! ( يحلفون اني صرت " هوم لس " على الشاطي .. ) ما عاااد عودت للشالية إلا يوم طبختني الشمس وصرت أشم ريحة التماس كهرب !! ( الظاهر والله العالم ان في مخ الآدمي أسلاك توصل اشارات كهربائية .. ومن كثر الإشارات السااااخنة ومع حرارة الشمس .. ضرب سلك من الأسلاك ) .. !! << " أشوى انه مهوب سلك الدينمو .. تسان نتوهق ونموت ظماء " طرّاه ماء الحياة !
يوم دخلت على عيالي في الشالية .. ويتناقزون للتلفون كلّن يبي يبلّغ عني يحسبوني منحاش من مواجهات شرطة الدمام مع الإرهابيين !! ( يحق لهم .. وجهي اسود .. وطايرتن بوهتي .. تسنّي طايحن من سطح الفيصلية )!!
على طاري الإرهاب .. ما تلاحظون ان الحكومة تشجّع المواطن على التنمية والبناء والحضارة .. وذا الإرهابيين قالبينها مؤسسة مقاولات هدم ونسف منازل ومنشاءات ( طرّاه ان البيت اللي توزو فيه صار تسنّه فلّة عظم " الله يكفينا الشر " من تنتيف الرصاص والمقاشع )!! << عليهم من الله ما يستحقون .. فقد روعو الآمنين .. ووهقو الدارسين .. وشبو في مواتر خلق الله أجمعين .. وشمّتو فينا الحاسدين " طرّاه بلوتوث أحداث بندة الدمام " !! وجعلو النت مسرح للعابثين .. ونصبّو علماء غث"ن" وسمين !! وترى موضة ذا السنة الذهب مهيب البلاتين .. واذا انت رجالن تعمر بيت فحط عازل حراري من الطين !! <<<< عنز بدو وطاحت في سجع !!
نرجع لقليلين الخاتمة .. ذا المبزرة .. اللي بغو يجيبون فيني العيد ( والله لو بلّغو عني اني ارهابي .. ان اروح طعام جحوش .. حلّها عاد وش يقنع بعض الناس اني منيب ارهابي .. ومواصفاتي مطابقة لهئية المقاييس الإرهابية " متعافي + فسقان + وطايرن من راسي وشره + وفيني ريحة التماس كهرب" وعندي جهاز حاسوووب وقد مرتن كتبت موضوع في الجادة ) << باقي حزام ناسف واصير ارهابي " فوول أوبشن " !!
سألتهم : وراكم ما علمتوني عن ذا البنات اللي ماغير يلعبن بالدبابات البحريه ويتسدحن على الشاطي تسنّهن فقمات !! ( الله يذكر الجامحه بالخير ) <<< طرّاه انهن يسبحن بعبايتهن ويتهيبلن ويصايحن " يعني ترانا وسيعات صدر " !!<< ما يدرن البنات ان الرجال يشوفون ان التوسع مهوب زين في بعض الأمور ..!! ( طرّاه مضيق باب المندب )
تصدقون ان وحده سوت معي حركة بنت سته وستين كلب .. غطت على حركة " شارون ستون " في فيلم الغريزة يومها تحط رجل على رجل وتطلع سكسوكتها تسنّها أرنب مصابة بانفلونزاء الطيور ! ( طرّاه النعومه مع قل الشعر ) !!
قالو المبزرة ان أمهم قايلتن لهم لا تجيبون لأبوكم طاري .. عشان ما يرجعكم للرياض !! << سياسة ماما أمريكا .. تعتيم اعلامي .. وتضليل .. وقرارات تعسفية .. وغضب من الله أكبر ( طرّاه كاترينا ) !!
وعقب ما راحت السكرة .. وجت الفكرة .. بديت اهوجس في ذا اليومين اللي راحت وعيالي يلعبون مع ذا الفقمات بدون رقيب وحسيب !!
فقررت اني ادرس حالة ذا البنات وأطلّع على أسرارهن .. من بعيد لبعيد .. وبطريقة لا تؤثر على علاقتي الزوجية ( خشة واحدن يخاف يرجعونه للرياض غصب ) !!
فكانت الطريقة الأنسب .. هي ( البلوووتوووث ) ! << عليه من الله ما يستحق مخترع هذه المصيبه !!
شغلت البلوتوث واستعرضت اسماء الموجودين .. فكانت النتيجة غريبة وغير متوقعه !
لا يوجد احد .. !! << بغيت اتسذب واكتب لم ينجح احد !
الحقيقة تحطمت .. وشلون كل ذا الرجه ولا فيه احد .. ! << معه جهاز الفيصلية ويبي يلقط بلووتوث !! ( يا شيخ .. حل عن سمااااي ) !!
^
^
المخ دائرة كهربائية معقدة !!
وماافيه احد مرتااااااااااااااح !!
ما يستفاد من الموضوع :
ممكن تكون النهاية غير متوقعة .. ولكنها .. بالفعل نهاااااية !! مقبووووووولة خاصة ان ماافيه أحد مرتااااااااااااااح
...................
....................