الصاعدي
10-28-2005, 11:59 PM
شبعنا من عناهم وارتوينا = وعند رسوم منزلهم بكينا
وعقب فراقهم شنا وحنا = وحنينا وثم انا عوينا
وسايمنا وساقمنا وحنت = لنا حتى المنازل والعنينا
ونادينا وقلنا خبروهم = ترانا من محبتهم نعينا
وثرنا من مفارقهم نحلنا = وكان فراقهم طاول فنينا
الى جيتم منازلهم فقولو = لهم باقوالنا ياراحلينا
ولاتنسون ماقاله محمد = امانتكم لها ياحاملينا
ترانا للذي قالو سمعنا = وباللي هم بغو منا رضينا
وكل شروطهم نقدم عليها = قدمنابالذي فنو علينا
وترانا من مخالفهم رجعنا = وهونا عقب ماحنا عصينا
وثرنا في محبتهم حفرنا = وسيســنا ومن فوقه بنينا
وثرنا في محبتهم ربطنا = ووثقنا وثر فيها عضينا
وثرنافي محبتهم سكرنا = وتيهنا وثرنا ماهتدينا
وفيها آه واويلي غرقنا = وهدينا الجدا وابها سنينا
نخينا من يذكر بالمرؤه = ولاهل الذات والشيمه عزينا
تكلفنا وهم عنا براحه = وذبنا وهم عنا غافلينا
ونامو وارقدو واحنا سهرنا = عليهم وهم رويو والتظينا
وهذا الحب بالزفرات يشوي = الا ياويلكم ياعاشقينا
يلين من المحبه كل قاسي = ولو قلبه حجر يازي طحينا
وانا من حر فرقاهم عليهم = تعلمت النياحه والحنينا
ارى راع الهوى مازال يلعي = ولو تحت الثرى يلعي دفينا
تحملنا الهوى ختى هلكنا = ولولا الحب ماوالله لعينا
ولانحنا ولاصحنا وقلنا = لكم ياهل الموده خاضعينا
ولاقمنا نسال الوصل منهم = وحنا لانبالي له عطينا
برمنا وافتلو هيهات نقضي = وهم لامن برمنا فاتلينا
اقول ايش لون ياهذي مصيبه = وسواها الهوى ياناس فينا
انا مدري ومن يدري متى هم = لنا عقب التعذب راحمينا
ومن في النار لاعذب يسامح = ويخرج من له الاسلام دينا
وحنا في تعذبهم خلدنا = عجب والله واحنا مسلمينا
وراهم ماعفو والعفو سنة = علام قلوبهم عيت تلينا
افكان انفوسنا زلت وعالت = واخطينا وكنا مذنبينا
فحنا للعفو منهم طلبنا = وفي حد القصاص لهم مشينا
وتبنا من عظيم الذنب تبنا = لوجهك ياغفور التائبينا
حلفنا مانعود بعزة الله = وغلظنا علينا بالف دينا
برب البيت والكعبه وزمزم = اله العرش رافع طور سينا
حشى لله مانخطي عليهم = وان عدنا فانا ظالمينا
وان نكذب فان الله ربي = يقول اني لعنت الكاذبينا
ومن يمكر ورب البيت ظامن = ومكره فوق مكر الماكرينا
الهي اسالك ترحم محمد = بجاه المصطفى والتابعينا
اسالك بالزبور ومن نزل له = وبالقران وايات تلينا
بتوراة على موسى سالنا = وبانجيل على عيسى دعينا
تلامي ماتفرق من شملنا = وتجعلهم علينا راجعينا
علي ان عودو ستين ليله = اصوم ايامها نذرن يمينا
وكان استبعدو عنا وقفو = وعافو قربنا لما دنينا
ترانا مانقاطع في وصلهم = نواصلهم ولوهم قاطعينا
نصافيهم على طول الليالي = ولو ماهم غدا كدرن وطينا
ولاوالله ننسى لونسونا = على طول الليالي والسنينا
ولو قلنا بننساهم كذبنا = وقل الصدق منا وافترينا
قطعك الله ياورقن تغنى = تذكرنا على بالك نسينا
فلو ابطت بنا الدنيا وطالت = حشى لله ماعنهم سلينا
ولافيهم نلين لقول عاذل = ولانسمع ملام اللائمينا
ولو هم بالموده بدلونا = فلاحن عقبهم متبدلينا
عساهم فالرخا لو عذبونا = نراهم فالنعيم مخلدينا
طوو عنا كتاب الوصل واحنا = بيبطي عن وصلهم ماطوينا
الشاعر المرحوم/محمد عبدالوهاب الفيحاني (قطري)
وعقب فراقهم شنا وحنا = وحنينا وثم انا عوينا
وسايمنا وساقمنا وحنت = لنا حتى المنازل والعنينا
ونادينا وقلنا خبروهم = ترانا من محبتهم نعينا
وثرنا من مفارقهم نحلنا = وكان فراقهم طاول فنينا
الى جيتم منازلهم فقولو = لهم باقوالنا ياراحلينا
ولاتنسون ماقاله محمد = امانتكم لها ياحاملينا
ترانا للذي قالو سمعنا = وباللي هم بغو منا رضينا
وكل شروطهم نقدم عليها = قدمنابالذي فنو علينا
وترانا من مخالفهم رجعنا = وهونا عقب ماحنا عصينا
وثرنا في محبتهم حفرنا = وسيســنا ومن فوقه بنينا
وثرنا في محبتهم ربطنا = ووثقنا وثر فيها عضينا
وثرنافي محبتهم سكرنا = وتيهنا وثرنا ماهتدينا
وفيها آه واويلي غرقنا = وهدينا الجدا وابها سنينا
نخينا من يذكر بالمرؤه = ولاهل الذات والشيمه عزينا
تكلفنا وهم عنا براحه = وذبنا وهم عنا غافلينا
ونامو وارقدو واحنا سهرنا = عليهم وهم رويو والتظينا
وهذا الحب بالزفرات يشوي = الا ياويلكم ياعاشقينا
يلين من المحبه كل قاسي = ولو قلبه حجر يازي طحينا
وانا من حر فرقاهم عليهم = تعلمت النياحه والحنينا
ارى راع الهوى مازال يلعي = ولو تحت الثرى يلعي دفينا
تحملنا الهوى ختى هلكنا = ولولا الحب ماوالله لعينا
ولانحنا ولاصحنا وقلنا = لكم ياهل الموده خاضعينا
ولاقمنا نسال الوصل منهم = وحنا لانبالي له عطينا
برمنا وافتلو هيهات نقضي = وهم لامن برمنا فاتلينا
اقول ايش لون ياهذي مصيبه = وسواها الهوى ياناس فينا
انا مدري ومن يدري متى هم = لنا عقب التعذب راحمينا
ومن في النار لاعذب يسامح = ويخرج من له الاسلام دينا
وحنا في تعذبهم خلدنا = عجب والله واحنا مسلمينا
وراهم ماعفو والعفو سنة = علام قلوبهم عيت تلينا
افكان انفوسنا زلت وعالت = واخطينا وكنا مذنبينا
فحنا للعفو منهم طلبنا = وفي حد القصاص لهم مشينا
وتبنا من عظيم الذنب تبنا = لوجهك ياغفور التائبينا
حلفنا مانعود بعزة الله = وغلظنا علينا بالف دينا
برب البيت والكعبه وزمزم = اله العرش رافع طور سينا
حشى لله مانخطي عليهم = وان عدنا فانا ظالمينا
وان نكذب فان الله ربي = يقول اني لعنت الكاذبينا
ومن يمكر ورب البيت ظامن = ومكره فوق مكر الماكرينا
الهي اسالك ترحم محمد = بجاه المصطفى والتابعينا
اسالك بالزبور ومن نزل له = وبالقران وايات تلينا
بتوراة على موسى سالنا = وبانجيل على عيسى دعينا
تلامي ماتفرق من شملنا = وتجعلهم علينا راجعينا
علي ان عودو ستين ليله = اصوم ايامها نذرن يمينا
وكان استبعدو عنا وقفو = وعافو قربنا لما دنينا
ترانا مانقاطع في وصلهم = نواصلهم ولوهم قاطعينا
نصافيهم على طول الليالي = ولو ماهم غدا كدرن وطينا
ولاوالله ننسى لونسونا = على طول الليالي والسنينا
ولو قلنا بننساهم كذبنا = وقل الصدق منا وافترينا
قطعك الله ياورقن تغنى = تذكرنا على بالك نسينا
فلو ابطت بنا الدنيا وطالت = حشى لله ماعنهم سلينا
ولافيهم نلين لقول عاذل = ولانسمع ملام اللائمينا
ولو هم بالموده بدلونا = فلاحن عقبهم متبدلينا
عساهم فالرخا لو عذبونا = نراهم فالنعيم مخلدينا
طوو عنا كتاب الوصل واحنا = بيبطي عن وصلهم ماطوينا
الشاعر المرحوم/محمد عبدالوهاب الفيحاني (قطري)